Thennarasu, தென்னரசு மும்பையிலிருந்து வெளியாகும் செய்தித் தளம்

டெல்லி: பாரதிய ஜனதா கட்சியின் ஆட்சிமன்றக் குழுக் கூட்டத்தில் பாரதிய ஜனதா கட்சியின் அகில இந்திய செயல் தலைவராக முன்னாள் மத்திய அமைச்சர் ஜே.பி.நட்டா நியமனம் செய்யப்பட்டுள்ளார்.

முந்தைய மோடியின் அமைச்சரவையில் சுகாதாரத்துறை அமைச்சராக பொறுப்பு வகித்த ஜே.பி.நட்டா,  பாஜகவின் செயல்தலைவராக தேர்வு செய்யப்பட்டுள்ளார். பாஜகவின் தேசியத் தலைவர் அமித்ஷா உள்துறை அமைச்சர்  பாஜகவின் பல மாநில தேர்தல் வெற்றிக்கு காரணமாக இருந்தவர் என்பதால்  அவரே தலைவராக தொடர்கிறார். அமித்ஷாவின் பணிகளை பகிர்ந்துகொண்டு செயல்பட, ஜே.பி.நட்டா செயல் தலைவராக தேர்வு செய்யப்பட்டுள்ளார் என தகவல் தெரிந்த வட்டாரங்கள் தெரிவிக்கின்றன.

ஆர்.எஸ்.எஸ். காரரான நட்டா, ஏபிவிபி மூலம் தனது அரசியல் வாழ்க்கையைத் தொடங்கியவர், 2010ம் ஆண்டு பாஜக பொதுச் செயலாளராக நியமிக்கப்பட்டார். பின்னர் ராஜ்யசபாவுக்கு அவர் தேர்ந்தெடுக்கப்பட்டார். என்பது குறிப்பிடத்தக்கது