Thennarasu, தென்னரசு மும்பையிலிருந்து வெளியாகும் செய்தித் தளம்

மகாராஷ்டிராவில் கோவிட் -19 (கொரோனா) பாதிக்கப்படவர்களின் எண்ணிக்கை 70 க்கு மேல் அதிகரித்துள்ளன என்றும் திங்கள்கிழமை காலை வரை ஜனதா ஊரடங்கு உத்தரவைக் கடைப்பிடிக்குமாறு மக்களைக் கேட்டுக்கொண்டார், திங்கள்கிழமை முதல் மார்ச் 31 வரை மாநிலம் முழுவதும் பிரிவு 144 ஐ விதிக்க மகாராஷ்ட்ரா மாநில முதல்வர் உத்தவ் தாக்கரே உத்தரவிட்டுள்ளார்.

மஹாராஷ்ட்ரா முதல்வர் உத்தவ் தாக்கரே

நாளை [திங்கட்கிழமை] காலை வரை அனைவரையும் ஜனதா ஊரடங்கு உத்தரவு தொடருமாறு கேட்டுக்கொள்கிறேன். வழக்குகளின் எண்ணிக்கை கணிசமாக அதிகரித்துள்ளது. மகாராஷ்டிராவில் பிரிவு 144 ஐப் பயன்படுத்துவதைத் தவிர வேறு வழியில்லை. 5 க்கும் மேற்பட்டவர்களை சாலைகளில் கூடிச் செல்லக்கூடாது.

மார்ச் 31 ஆம் தேதி வரை சர்வதேச விமானங்கள் எதுவும் மும்பையில் தரையிறங்க அனுமதிக்கப்படாது.

வீட்டு தனிமைப்படுத்தலுக்காக முத்திரை குத்தப்பட்ட அனைவரையும் மிகுந்த கவனத்துடன் மருத்துவர்கள் வழங்கிய அறிவுறுத்தல்களைப் பின்பற்றவேண்டும்.சுய-தனிமைப்படுத்தப்பட்ட நபர்கள் வீட்டுக்குள் இருக்க வேண்டும், உறவினர்களிடமிருந்தும் கூட கண்டிப்பாக விலகி இருக்கவேண்டும்

டொனால்ட் டிரம்ப் முதல் மகாராஷ்டிராவில் உள்ள ஒரு கிராமத்தின் நாட்டாமை (சர்பஞ்ச்) வரை அனைவரும் நோய் பரவாமல் இருக்க முன்னெச்சரிக்கைகள் எடுக்க வேண்டும்

உள்ளூர் ரயில்கள், நீண்ட தூர ரயில்கள், பேருந்து சேவைகளும் நிறுத்தப்பட்டுள்ளன.

அத்தியாவசிய சேவைகளுக்கு வேலை செய்பவர்களுக்காக மட்டுமே உள்-நகர பேருந்து சேவைகள் தொடரும்.

மளிகை கடைகள், பால் மற்றும் காய்கறி பொருட்கள் மற்றும் வங்கிகள் திறந்திருக்கும் என்று அவர் கூறினார்.

அரசு ஊழியர்களில் 5 சதவீதம் பேர் மட்டுமே தொடர்ந்து பணியாற்றுவர். முன்னதாக இது 25 சதவீதமாக இருந்தது, ஆனால் நாங்கள் அந்த எண்ணிக்கையை மேலும் குறைத்துள்ளோம்

அனைத்து மத வழிபாட்டுத்தலங்களையும் மூட உத்தவிடபட்டுள்ளது

தொழிற்சாலை மற்றும் நிறுவன ஊழியர்களுக்கு குறைந்தபட்ச ஊதியம் வழங்க வேண்டும் என்றும் "மனிதாபிமான அணுகுமுறையை விட்டுவிடக்கூடாது" என்றும் உத்தவ் தாக்கரே கேட்டுக்கொண்டார்.